لاہور( این این آئی)پاکستان انسٹیٹیوٹ آف اکنامک ڈویلپمنٹ اکنامکس ( پائیڈ)نے تیل کی قیمتوں میں اضافہ معیشت کیلئے بڑا خطرہ قرار دے دیا۔

پائیڈنے اپنی رپورٹ میں کہا ہے کہ تیل مہنگا ہوا تو مالی خسارہ بڑھنے کا خدشہ ہے،تیل مہنگا ہونے سے مہنگائی، ڈالر ریٹ اور درآمدی بل میں اضافہ ہوگا،100 ڈالر فی بیرل پر بجٹ سرپلس میں واضح کمی ہو سکتی ہے،120 اور 144 ڈالر فی بیرل پر مالی دبا ئومزید بڑھنے کا خدشہ ہے،حکومت کو ٹیکس نظام بہتر بنانے اور غیر ضروری اخراجات کم کرنے کی تجویز دی گئی ہے۔پائیڈ نے ڈیجیٹل مانیٹرنگ بڑھا کر ریونیو لیکیج روکنے پر زور دیتے ہوئے کہا ہے کہ آئی ایم ایف پروگرام کے باعث پٹرولیم لیوی کم کرنے کی گنجائش محدود ہے،تیل کی قیمتوں میں اتار چڑھا ئوپاکستان کیلئے مستقل چیلنج بن چکا ہے، حکومت کو آئل شاکس سے نمٹنے کیلئے واضح اور پیشگی حکمت عملی بنانے کی تجویزدیدی ہے۔