کراچی (این این آئی)اسٹیٹ بینک آف پاکستان نے غیر ملکی سرمایہ کاری کو فروغ دینے کے لیے فارن کرنسی اور نان ریذیڈنٹ روپیہ اکاؤنٹس کے دائرہ کار میں توسیع کر دی۔
اسٹیٹ بینک نے روشن ڈیجیٹل اکاونٹس کی تفصیل جاری کردی۔اسٹیٹ بینک کے مطابق اب نان ریذیڈنٹ پاکستانیوں کے ساتھ ساتھ غیر ملکی قانونی ادارے بھی یہ اکاؤنٹس کھول سکیں گے، جس سے بیرونی سرمایہ کاری کو پاکستان لانا مزید آسان ہو جائے گا۔اعلامیے کے مطابق اس اقدام سے سرمایہ کاروں کو مالی لین دین میں سہولت ملے گی اور ملکی معیشت میں غیر ملکی زرِ مبادلہ کے بہا میں اضافہ متوقع ہے۔
