اسلام آباد (نیوز ڈیسک) کراچی میں ایل پی جی کی قیمتوں میں غیر معمولی اضافہ دیکھنے میں آیا ہے،

جس سے شہریوں کو شدید مشکلات کا سامنا ہے۔میڈیا رپورٹس کے مطابق شہر کے کئی علاقوں میں گیس کے کم پریشر کے باعث صارفین متبادل ایندھن پر انحصار کرنے پر مجبور ہیں۔ اسی صورتحال کا فائدہ اٹھاتے ہوئے ایل پی جی مہنگے داموں فروخت کی جا رہی ہے۔سرکاری طور پر ایل پی جی کی قیمت 225 روپے فی کلو مقرر ہے، تاہم کراچی میں یہی گیس غیر قانونی طور پر تقریباً 450 روپے فی کلو تک فروخت ہو رہی ہے۔

دوسری جانب خیبر پختونخوا اور بلوچستان کے مختلف علاقوں میں بھی ایل پی جی کی قیمتوں میں مزید اضافہ دیکھنے میں آیا ہے، جہاں یہ 500 روپے فی کلو سے بھی تجاوز کر چکی ہے۔