لاہور(این این آئی)ٹریفک پولیس نے موٹر سائیکل سواروں کو موقع پر ورچوئل لائسنس دینے کا اعلان کردیا
نئے نظام کے تحت انٹرنیشنل لائسنس کے علاوہ تمام لائسنس ورچوئل کارڈز کی صورت میں جاری کیے جائیں گے۔ٹریفک وارڈنز ون ایپ کے ذریعے موقع پر ہی لائسنس پروسیس کرنے کے مجاز ہوں گے جبکہ بائیک سواروں کو صرف سڑک پر اپنا ڈیٹا فراہم کرنا ہوگا اور فیس کی ادائیگی کے بعد فوری طور پر ورچوئل لائسنس جاری کر دیا جائے گا۔ڈاکٹر عطا الرحمن نے بتایا کہ آنیوالے دنوں میں لائسنسنگ سسٹم کا دائرہ کار 16سال کی عمر کے نوجوانوں تک بڑھا دیا جائے گا، جس سے کم عمر شہریوں کو قانونی طور پر ڈرائیونگ کا موقع ملے گا۔ورچوئل کارڈز کے تعارف سے حکومت کو سالانہ کروڑوں روپے کی بچت ہوگی۔ شناختی کارڈ نمبر کے ذریعے ون ایپ پر تمام ڈیٹا تک فوری رسائی ممکن ہوگی،
جس سے اب فزیکل (پلاسٹک)کارڈ رکھنے کی ضرورت ختم ہو جائے گی۔اس سسٹم کے پورے صوبے میں نفاذ کے لیے آئی جی پنجاب کو سمری ارسال کر دی گئی ہے۔
