لاہور( این این آئی)پنجاب حکومت نے وی آئی پیز کی سکیورٹی اور سہولت کے لیے نئی گاڑیوں کی خریداری کی منظوری دیدی ہے،

منصوبے کے تحت مجموعی طور پر 32 گاڑیاں خریدی جائیں گی جن کی مالیت 52 کروڑ 35 لاکھ روپے ہے۔خریدی جانے والی گاڑیوں میں 20 ٹویوٹا فارچیونرز سگما 44 شامل ہیں جن کی مالیت 37 کروڑ 27 لاکھ روپے ہے جبکہ وی آئی پیز کے لیے 12 ہائی لکس 44 گاڑیاں بھی خریدی جائیں گی جن کے لیے 11 کروڑ 26 لاکھ روپے مختص کیے گئے ہیں۔گاڑیوں میں وی آئی پیز کی حفاظت کے لیے خصوصی سکیورٹی انتظامات کیے جائیں گے جن میں نائٹ وژن، تھرمل کیمرے اور دیگر جدید سکیورٹی آلات شامل ہیں۔ اگرچہ محکمہ خزانہ نے فارچیونر گاڑیوں کو لگژری قرار دیتے ہوئے کچھ اعتراضات اٹھائے تھے لیکن وزیراعلی نے ٹرانسپورٹ ونگ کی سفارشات کی بنیاد پر منظوری دی۔