لاہور( این این آئی)پاکستان نے متحدہ عرب امارات کی درخواست پر گندم مصنوعات برآمد کرنے کا فیصلہ کرلیا،
پہلے مرحلے میں متحدہ عرب امارات کو آٹا، میدہ ، سوجی اور دیگراشیا برآمد کی جائیں گی۔نجی ٹی وی نے حکومتی ذرائع کے حوالے سے کہا ہے کہ متحدہ عرب امارات نے ایک لاکھ ٹن گندم مصنوعات فراہم کرنے کی درخواست کی ہے، گندم مصنوعات کی برآمد سے پاکستان کی فلارمل انڈسٹری اور کسانوں کو معاشی فائدہ ہوگا۔سری لنکا،چین سمیت کئی ممالک نے پاکستان سے گندم مصنوعات خریدنے کیلئے دلچسپی کا اظہار کیا ہے، وفاقی حکومت کے زیر انتظام فلارملز گندم مصنوعات کی برآمد کے نظام میں شامل ہوں گی۔وزیراعلی مریم نواز نے محکمہ فوڈ سیفٹی پنجاب کو گندم مصنوعات برآمدات میں فعال کردار نبھانے کی ہدایت کردی، پاکستان میں گندم کی نئی فصل کی آمد شروع ہونے سے ملکی غذائی ضروریات سے سرپلس گندم دستیاب ہوگی۔ پنجاب کی مقامی نئی گندم آئندہ ماہ آنا شروع ہو جائے گی۔
