اسلام آباد (نیوز ڈ یسک)عام طور پر دیکھا جاتا ہے کہ جب پیٹرولیم مصنوعات کی قیمتوں میں اضافے کی خبریں سامنے آتی ہیں تو
بعض پیٹرول پمپس فروخت کم کر دیتے ہیں یا عارضی طور پر بند کر دیتے ہیں۔ تاہم لاہور میں ایک پیٹرول پمپ نے اس کے برعکس اقدام کرتے ہوئے شہریوں کو پرانی قیمتوں پر ہی پیٹرول اور ڈیزل فراہم کرنا شروع کر دیا ہے۔میڈیا رپورٹس کے مطابق لاہور کے ایک نجی پیٹرول پمپ کی انتظامیہ نے رمضان المبارک کے دوران عوام کو ریلیف دینے کا فیصلہ کیا ہے۔ حالیہ متوقع اضافے کے باوجود پمپ پر پیٹرول اور ڈیزل نئی قیمت کے بجائے سابقہ نرخوں پر فروخت کیے جا رہے ہیں، جس کے باعث شہریوں کی بڑی تعداد وہاں پہنچ رہی ہے۔پمپ انتظامیہ کا کہنا ہے کہ اگرچہ پیٹرولیم مصنوعات کی قیمتوں میں تقریباً 55 روپے فی لیٹر اضافے کی اطلاعات ہیں، لیکن انہوں نے رمضان کے احترام میں عوام کو ریلیف دینے کا فیصلہ کیا ہے۔ ان کے مطابق اس مہینے میں زیادہ منافع کمانے کے بجائے لوگوں کو سہولت فراہم کرنا بہتر سمجھا گیا ہے۔
انتظامیہ کے مطابق اس وقت پیٹرول اور ڈیزل پرانی قیمتوں پر دستیاب ہیں اور شہری اپنی ضرورت کے مطابق مطلوبہ مقدار حاصل کر سکتے ہیں۔
اگر بڑی آئل مارکیٹنگ کمپنیاں بھی ایسا کر دیں تو کیا بات ہے۔
لاہور میں رمضان المبارک میں ایک پٹرول پمپ کے مالک نے آفر لگا کر 55 روپے فی لیٹر سستا پیٹرول اور ڈیزل لوگوں کو فراہم کرنے کا سلسلہ جاری رکھا ہوا ،55 روپے مہنگا فروخت نہیں کر رہا ہے۔— Waseem Abbasi (@Wabbasi007) March 8, 2026
