لاہور( این این آئی) وفاقی وزیر پیٹرولیم علی پرویز ملک نے کہا ہے کہ جیسے ہی معاملات بہتر ہوں گے
اسی پھرتی کے ساتھ قیمتیں کم کریں گے، ہفتہ وار قیمتوں کا جائزہ لیں گے،پٹرولیم مصنوعات کی قیمتوں میں اضافے کا فیصلہ مجبوری میں کیا، جن لوگوں نے پٹرول کی فروخت روک کر منافع خوری کی ان کے خلاف کارروائی ہوگی۔نجی ٹی وی کے مطابق وزیر پیٹرولیم علی پرویز ملک نے کہا کہ پاکستان نے صورتحال کے مطابق اپنے ذخائر کو بڑھا لیا تھا،آبنائے ہرمز کا راستہ بند ہونے کے بعد سعودی عرب کی دوسری بندرگاہوں سے تیل لایا جا رہا ہے،پی این ایس سی کے دو جہاز سعودی عرب کے دوسرے راستوں سے تیل پاکستان لا رہے ہیں، سعودی آرامکو نے کہا ہے کہ پاکستان بڑا بحری جہاز بھی بھیجے تو اس پر بھی تیل بھجوائیں گے۔
