اسلام آباد(نیوز ڈیسک)سعودی عرب میں عیدالفطر کے موقع پر نجی اور غیر منافع بخش اداروں کے ملازمین کے لیے چار دن کی تعطیلات کا اعلان کر دیا گیا ہے۔

عرب میڈیا رپورٹس کے مطابق سعودی وزارت افرادی قوت نے اس حوالے سے باقاعدہ اعلان کرتے ہوئے بتایا ہے کہ نجی اور غیر منافع بخش شعبوں میں کام کرنے والے افراد کو عیدالفطر پر چار روز کی چھٹی دی جائے گی۔وزارت کے ترجمان محمد الرزقی کے مطابق تعطیلات کا آغاز بدھ 18 مارچ (29 رمضان) کو دفتری اوقات ختم ہونے کے بعد ہوگا اور یہ سلسلہ چار دن تک جاری رہے گا۔دوسری جانب پاکستان کے محکمہ موسمیات نے عیدالفطر کے چاند کے حوالے سے اپنی پیشگوئی جاری کی ہے، جس کے مطابق ملک میں عیدالفطر 21 مارچ 2026 بروز ہفتہ منائے جانے کا امکان ہے۔ادھر کابینہ ڈویژن نے سال 2026 کی سرکاری اور اختیاری تعطیلات کا نوٹیفکیشن بھی جاری کر دیا ہے۔

اس نوٹیفکیشن کے مطابق پاکستان میں عیدالفطر کے موقع پر 21، 22 اور 23 مارچ کو تین روزہ سرکاری تعطیلات ہوں گی۔