اسلام آباد (این این آئی)گزشتہ ہفتے 13اشیائے ضروریہ مہنگی جبکہ 14چیزوں کی قیمتوں میں کمی ریکارڈ کی گئی۔

ادارہ شماریات کے مطابق گزشتہ ہفتے لہسن، مٹن، بیف، دال مسور، ماش، دہی اور خشک دودھ مہنگا ہوا، ایل پی جی اور کپڑوں کے دام بھی بڑھے۔ دوسری طرف ٹماٹر، آلو، چکن، پیاز، انڈے، آٹا، بریڈ اور چینی سمیت 14چیزیں سستی ہوئی۔رپورٹ کے مطابق سالانہ بنیاد پرگندم کا آٹا 29.81 فیصد ، ٹماٹر 17 فیصد، سرخ مرچ 15فیصد اور کیلے 12فیصد مہنگے ہوئے۔ مٹن کی قیمت 9فیصد، گڑ کی 8.36 اور لکڑی کی 11.40فیصد تک بڑھی۔ سالانہ بنیاد پرگیس چارجز میں 30فیصد اور بجلی ٹیرف میں 17فیصد سے زائد اضافہ ریکارڈ کیا گیا۔رپورٹ کے مطابق ہفتہ وار مہنگائی کی شرح میں 0.45 فیصد کمی ہوگئی۔ سالانہ شرح 4.23فیصد ریکارڈ کی گئی۔