اسلام آباد(نیوز ڈیسک) ملک میں فضائی آلودگی کم کرنے اور عوام کو کم خرچ سفری سہولت فراہم کرنے کے مقصد سے
حکومتِ پاکستان نے 100 ارب روپے مالیت کے پروگرام پرائم منسٹر الیکٹرک بائیک اینڈ رکشہ اسکیم 2026 (PAVE) کا آغاز کر دیا ہے۔رپورٹس کے مطابق اس منصوبے کا ہدف پیٹرول پر انحصار کم کرنا، مضر دھوئیں کے اخراج میں کمی لانا اور ماحول دوست ٹرانسپورٹ کو فروغ دینا ہے۔ اسکیم کے تحت مجموعی طور پر ایک لاکھ 16 ہزار الیکٹرک موٹر سائیکلیں فراہم کی جائیں گی۔ ہر موٹر سائیکل پر حکومت کی جانب سے 80 ہزار روپے سبسڈی دی جائے گی، جبکہ الیکٹرک رکشوں کے لیے فی گاڑی 4 لاکھ روپے تک مالی معاونت مقرر کی گئی ہے۔حکومت نے جون 2026 تک کم از کم 76 ہزار الیکٹرک بائیکس سڑکوں پر لانے کا ہدف مقرر کیا ہے۔ اس پروگرام سے 18 سے 65 برس کے وہ پاکستانی شہری فائدہ اٹھا سکیں گے جن کے پاس درست ڈرائیونگ لائسنس اور صاف مالی ریکارڈ موجود ہو۔ خواتین کی شرکت کو یقینی بنانے کے لیے 25 فیصد بائیکس کا کوٹہ مختص کیا گیا ہے۔
حکام کے مطابق یہ اقدام ملک میں کم لاگت اور ماحول دوست سفری نظام کی جانب ایک اہم پیش رفت ثابت ہوگا، جس سے نہ صرف ایندھن کے اخراجات میں کمی آئے گی بلکہ شہری علاقوں میں آلودگی کے مسئلے کو کم کرنے میں بھی مدد ملے گی۔
Govt launches Prime Minister’s Electric Bike & Rickshaw Scheme 2026
Pakistan is rolling out Rs 100 billion for the PAVE Programme, aiming to reduce fuel consumption, curb emissions, and promote sustainable mobility.
116,000 electric motorcycles with Rs 80,000 subsidy
Electric… pic.twitter.com/AGMauD4wEq— PakWheels.com (@PakWheels) February 25, 2026
