اسلام آباد (نیوز ڈیسک) پنجاب حکومت کی جانب سے گلف اسٹریم طیارے کی خریداری پر جاری بحث ابھی ختم بھی نہیں ہوئی تھی کہ ایک اور

پرتعیش نجی طیارے کی پاکستان آمد نے سوشل میڈیا پر نئی بحث چھیڑ دی ہے۔اطلاعات کے مطابق معروف یوٹیوبر فلائے ود اووین، جو پیشے کے لحاظ سے کمرشل پائلٹ ہیں، دنیا کے مختلف ممالک سے نجی طیارے ڈیلیور کرنے کا تجربہ رکھتے ہیں اور اپنے سفر کو وی لاگز کی صورت میں یوٹیوب پر شیئر کرتے ہیں۔ ان کی ویڈیوز کو آن لائن صارفین کی بڑی تعداد پسند کرتی ہے۔حال ہی میں انہوں نے میانمار سے ایک نجی طیارہ Piaggio P180 Avanti ہنگامی بنیادوں پر پاکستان منتقل کیا اور اس پورے سفر کی ویڈیو بھی جاری کی۔ وی لاگ سامنے آتے ہی سوشل میڈیا پر تیزی سے وائرل ہو گیا اور مختلف پلیٹ فارمز پر اس کے کلپس گردش کرنے لگے۔

طیارے کی آمد کے بعد صارفین میں یہ سوال زیرِ بحث ہے کہ پنجاب حکومت کے بعد اب یہ نیا لگژری جہاز کس نے منگوایا ہے۔ تاہم اس حوالے سے تاحال کوئی باضابطہ وضاحت سامنے نہیں آئی۔

اب یہ لاہور میں Piaggio P180 Avant طیارے کا آرڈر کس نے دیا ھے؟
اس سے پہلے عاصم منیر اور مریم نواز کیلئے Gulfstream کے 110 ملین ڈالرز مالیت کے دو بڑے لگژری طیارے آرڈر کئے گئے تھے ۔۔ pic.twitter.com/8KR6LX8DNs

— پری زاد (@Parizaad_reborn) February 22, 2026