اسلام آباد (نیوز ڈ یسک) ملک میں سونے کی قیمتوں کا بڑھتا ہوا رجحان برقرار ہے اور آج بھی نرخوں میں نمایاں اضافہ ریکارڈ کیا گیا ہے۔

آل پاکستان صرافہ جیمز اینڈ جیولرز ایسوسی ایشن کے جاری کردہ اعدادوشمار کے مطابق فی تولہ سونا 3 ہزار 400 روپے مہنگا ہو کر 5 لاکھ 39 ہزار 962 روپے تک پہنچ گیا ہے۔اسی طرح 10 گرام سونے کی قیمت میں 2 ہزار 915 روپے کا اضافہ ہوا جس کے بعد اس کی نئی قیمت 4 لاکھ 62 ہزار 930 روپے مقرر کی گئی ہے۔بین الاقوامی مارکیٹ میں بھی سونے کے دام اوپر گئے ہیں، جہاں فی اونس قیمت 34 ڈالر اضافے کے ساتھ 5 ہزار 172 ڈالر تک جا پہنچی ہے۔

ماہرین کے مطابق عالمی معاشی حالات اور سرمایہ کاروں کی بڑھتی دلچسپی کے باعث قیمتی دھات کی قیمتوں میں اتار چڑھاؤ جاری رہ سکتا ہے۔