اسلام آباد (نیوز ڈیسک) جاپان کے شہر اوساکا میں پرانے پانی اور سیوریج کے نظام کی بہتری کے لیے ایک گمنام خیرخواہ نے شاندار تحفہ دیا ہے۔

انتظامیہ کو 21 کلوگرام وزن کی سونے کی اینٹیں عطیہ کی گئی ہیں، جن کی مجموعی مالیت تقریباً 26 لاکھ ڈالرز یعنی پاکستانی کرنسی کے مطابق ایک ارب روپے سے زائد ہے۔جاپانی میڈیا کے مطابق اوساکا کے میئر نے بتایا کہ یہ اینٹیں شہر کے پرانے پانی اور سیوریج کے پائپ تبدیل کرنے کے لیے فراہم کی گئی ہیں تاکہ شہریوں کو بہتر سہولیات فراہم کی جا سکیں۔ میئر کے مطابق عطیہ کنندہ کی شناخت کسی کو معلوم نہیں، تاہم اس نے پہلے بھی 5 لاکھ ین نقد رقم شہر کے لیے عطیہ کر چکا ہے۔میئر نے مزید کہا کہ پرانے پائپوں کو تبدیل کرنے کے لیے کافی سرمایہ کاری درکار تھی، اور عطیہ ہونے کے بعد متعلقہ کام کا آغاز کر دیا گیا ہے۔

اس اقدام سے اوساکا کے بنیادی سیوریج ڈھانچے کی خامیوں کو دور کرنے اور سڑکوں پر گڑھوں کے مسائل کو کم کرنے میں مدد ملے گی۔