پشاور(این این آئی)خیبرپختونخواحکومت نے سرکاری ملازمین کیلئے نئے فلیٹس کا افتتاح کردیا ،

رہائشی یونٹس میں بجلی، پانی، گیس، سیکیورٹی اور پارکنگ سمیت تمام بنیادی سہولیات فراہم کی جائیں گی۔تفصیلات کے مطابق وزیراعلیٰ خیبرپختونخوا سہیل آفریدی نے پشاور میں سول کوارٹرز کے نئے رہائشی منصوبے کا افتتاح کیا جس میں 96جدید فلیٹس تعمیر کیے گئے ۔ہر فلیٹ 1000اسکوائر فٹ رقبے پر مشتمل ہے اور جدید سہولتوں سے آراستہ ہے۔منصوبہ 6.91کنال رقبے پر محیط ہے اور بیسمنٹ سمیت چار منزلہ عمارت میں ہر فلور پر 24فلیٹس تعمیر کیے گئے ۔رہائشی یونٹس میں بجلی، پانی، گیس، سیکیورٹی اور پارکنگ سمیت تمام بنیادی سہولیات فراہم کی جائیں گی۔وزیراعلیٰ سہیل آفریدی نے کہا کہ سرکاری ملازمین حکومت کا قیمتی سرمایہ ہیں اور بہتر رہائش فراہم کرنا فلاح کی اولین ترجیح ہے۔انہوںنے کہاکہ بہتر رہائش سے ملازمین کی کارکردگی اور ادارہ جاتی استحکام میں اضافہ ہوگا اور صوبائی حکومت ہاؤسنگ سیکٹر میں اصلاحات اور مزید توسیع جاری رکھے گی۔

بانی کے وژن کے مطابق ملازمین کوبہتررہائش دی جارہی ہے، بہتر رہائش سے کارکردگی اورادارہ جاتی استحکام میں اضافہ ہوگا،صوبائی حکومت رہائشی منصوبوں میں مزیدتوسیع کرے گی اور ہاؤسنگ سیکٹرمیں اصلاحات کاعمل تسلسل سے جاری رہے گا۔