اسلام آباد (نیوز ڈیسک) مشرقِ وسطیٰ میں بڑھتی ہوئی سیاسی و سفارتی کشیدگی کے اثرات عالمی تیل مارکیٹ پر بھی ظاہر ہونے لگے ہیں،

جس کے نتیجے میں خام تیل کی قیمتوں میں نمایاں اضافہ دیکھا گیا ہے۔ حالیہ رپورٹ کے مطابق عالمی منڈی میں تیل کی قیمت تقریباً ساڑھے چار فیصد بڑھ گئی ہے۔میڈیا ذرائع کے مطابق ویسٹ ٹیکساس انٹرمیڈیٹ (WTI) خام تیل کی قیمت 4.59 ڈالر اضافے کے بعد 64.19 ڈالر فی بیرل تک پہنچ گئی، جبکہ برینٹ کروڈ آئل 2.86 ڈالر اضافے کے ساتھ 70.35 ڈالر فی بیرل پر فروخت ہو رہا ہے۔

معاشی ماہرین کے مطابق ایران اور امریکا کے درمیان جاری تناؤ عالمی سپلائی سے متعلق خدشات کو بڑھا رہا ہے، جس کے باعث تیل کی قیمتوں میں یہ تیزی ریکارڈ کی جا رہی ہے۔