اسلام آباد (نیوز ڈ یسک)وزارت تخفیف غربت و سماجی تحفظ نے سالِ رواں کے لیے زکوٰۃ کی ادائیگی کا نصاب مقرر کرنے کا اعلان کر دیا ہے۔

سرکاری بیان کے مطابق ایڈمنسٹریٹر جنرل زکوٰۃ نے اس سال کے لیے حدِ نصاب 5 لاکھ 3 ہزار 529 روپے مقرر کی ہے۔ وضاحت کی گئی ہے کہ اگر یکم رمضان کے دن کسی بینک اکاؤنٹ میں موجود رقم اس مقررہ حد سے کم ہو تو اس پر زکوٰۃ لاگو نہیں ہوگی۔اعلامیے میں مزید بتایا گیا کہ یکم رمضان المبارک کو بچت کھاتوں اور منافع و نقصان میں شراکت والے اکاؤنٹس سے زکوٰۃ کی رقم خودکار طور پر منہا کی جائے گی اور جمع شدہ رقم اسٹیٹ بینک آف پاکستان میں قائم مرکزی زکوٰۃ اکاؤنٹ میں منتقل کر دی جائے گی۔اس کے علاوہ یہ بھی بتایا گیا ہے کہ یکم رمضان کے دن تمام مالیاتی ادارے عوامی لین دین کے لیے بند رہیں گے۔