حکومت نے پیٹرولیم مصنوعات کی قیمتوں میں اضافہ کرتے ہوئے نئی نرخ نامہ جاری کر دیا ہے۔ سرکاری اعلان کے مطابق پیٹرول کی قیمت میں 5 روپے فی لیٹر اضافہ کیا گیا ہے، جس کے بعد اس کی نئی قیمت 258 روپے 17 پیسے فی لیٹر مقرر ہو گئی ہے۔

اسی طرح ہائی اسپیڈ ڈیزل بھی مہنگا کر دیا گیا ہے اور اس کی قیمت میں 7 روپے 32 پیسے اضافہ ہونے کے بعد نئی قیمت 275 روپے 70 پیسے فی لیٹر ہو گئی ہے۔

اعلامیے کے مطابق مٹی کے تیل کی قیمت میں بھی اضافہ کیا گیا ہے، جو 4 روپے 73 پیسے بڑھنے کے بعد 180 روپے 53 پیسے فی لیٹر تک پہنچ گئی ہے۔

پیٹرولیم ڈویژن کی جانب سے جاری نوٹیفکیشن میں بتایا گیا ہے کہ نئی قیمتوں کا اطلاق فوری طور پر ہو گا۔