اسلام آباد/لاہور( این این آئی)ملک بھر کے پاسپورٹ دفاتر نے رمضان 2026 کے موقع پر عوام کی سہولت کیلئے نئے اوقات کار اور مختلف پاسپورٹ کیٹیگریز کی نئی فیسیں جاری کر دی ہیں۔

نوٹیفکیشن کے مطابق رمضان کے دوران ریجنل پاسپورٹ دفاتر، ایگزیکٹو پاسپورٹ دفاتر اور پاسپورٹ پروسیسنگ کانٹرز عوامی خدمات کے اوقات میں تبدیلی کریں گے جبکہ انتظامی عمل معمول کے مطابق جاری رہے گا۔نوٹیفکیشن کے مطابق پیر سے جمعرات تک ٹوکن اجرا ء اور عوامی خدمات صبح 9 بجے سے دوپہر 2 بجے تک دستیاب ہوں گی جبکہ عمومی دفاتر کے اوقات صبح 8:30 بجے سے شام 4:30 بجے تک برقرار رہیں گے۔جمعہ کو عوامی خدمات اور ٹوکن اجرا ء صبح 9 بجے سے 12:30 بجے تک دستیاب ہوں گے، دفاتر اپنے معمول کے اوقات میں کھلے رہیں گے، نماز کیلئے روزانہ 1 بجے سے 1:30 بجے تک وقفہ رکھا گیا ہے۔

سرکاری حکام کی جانب سے واضح کیا گیا کہ یہ اوقات چند بڑے مراکز، جیسے نادرا میگا سینٹرز پر لاگو نہیں ہوں گے اور وہ اپنے الگ شیڈول کے مطابق کام کریں گے۔اسی کے ساتھ حکومت نے پاسپورٹ کی نئی فیسیں بھی جاری کی ہیں۔