مکو آ نہ (این این آئی)پاکستان کے دوسرے بڑے شہر فیصل آباد میں ملک بھر کی طرح چکن اور انڈوں کی قیمتوں میں اضافہ جاری ہے جس کے باعث عام شہریوں بالخصوص غریب اور متوسط ??طبقے کے لیے بنیادی اشیائے خوردونوش خریدنا مشکل ہو گیا ہے۔تازہ ترین اعداد و شمار کے مطابق برائلر مرغی کا گوشت اب 670 روپے فی کلو گرام تک پہنچ گیا ہے جب کہ صاف گوشت کی قیمت 750 روپے فی کلو گرام کی ریکارڈ سطح عبور کر گئی ہیزندہ برائلر فارم کی قیمت 383 روپے، ہول سیل میں 397 روپے اور پرچون مارکیٹ میں 411 روپے مقرر کی گئی ہے۔

گوشت کی قیمتوں کے ساتھ ساتھ فارمی انڈے بھی مہنگے ہو گئے ہیں جو اب 360روپے فی درجن میں فروخت ہو رہے ہیںواضح رہے کہ مرغی اور انڈے جیسی بنیادی اشیائے خوردونوش کی بڑھتی ہوئی قیمتوں سے صارفین کے بجٹ پر شدید دباؤ پڑ رہا ہے جس سے غریب اور متوسط طبقے کے لیے روزمرہ کی ضروریات پوری کرنا مشکل ہو گیا ہے۔ یہ صورتحال سماجی سطح پر بھی تشویش کا باعث بن رہی ہے۔دوسری جانب تاجر برادری کا کہنا ہے کہ اشیائے خوردونوش کی قیمتوں میں اضافے کی وجہ پیداوار، خوراک کی سپلائی اور مارکیٹ میں بڑھتی لاگت ہیاگر یہ سلسلہ جاری رہا تو مستقبل میں عوام کے لیے چکن اور انڈے جیسی بنیادی اشیائے خوردونوش کی دستیابی مزید مشکل ہو سکتی ہے جس سے مہنگائی میں اضافے کا دائرہ وسیع ہو جائے گا