لاہور (این این آئی)صوبائی وزیر ٹرانسپورٹ اینڈ ماس ٹرانزٹ بلال اکبر خان نے ڈیزل کی قیمت میں کمی کے بعد ٹرانسپورٹ کے کرایوں میں کمی کی ہدایات کی ہے۔صوبائی وزیر بلال اکبر خان نے افسران کوپیٹرولیم مصنوعات کی قیمتوں کے مطابق کرایوں کی لسٹ جاری کرانے کی ہدایات کرتے ہوئے ٹرانسپورٹ کرایوں میں کمی کے لیے تمام اضلاع میں ٹیمیں بنا دیں۔
اس کے علاوہ وزیر ٹرانسپورٹ نے زائد کرایہ لینے والیٹرانسپوٹرز کے خلاف سخت کارروائی کرنے اور متعلقہ حکام کو ٹرانسپورٹ کرایوں میں کمی سے متعلق رپورٹ دینے کی ہدایت کی ہے جبکہ زائد کرایہ وصول کرنے والوں سے رقم مسافروں کو واپس کرانے کی بھی ہدایت کی ہے۔اس حوالے سے وزیرٹرانسپورٹ پنجاب کا کہنا تھا کہ ڈیزل کی قیمتوں میں کمی کا براہ راست فائدہ عوام کو پہنچایا جائیگا، اور زائد کرایہ لینے والوں سکیورٹی رعایت نہیں ہوگی۔
