اسلام آباد(این این آئی)پی ٹی اے نے ورچوئل پرائیویٹ نیٹورک (وی پی این) سروس لائسنسنگ کا آغاز کردیا۔اس حوالے سے جاری اعلامیہ کے مطابق پی ٹی اے نے وی پی این سروسز کے اجراء کیلئے 5 سے زائد کمپنیوں کو کلاس لائسنس جاری کردئیے۔

پی ٹی اے سے لائسنس یافتہ کمپنیاں اب قانونی و مجاز مقاصد کیلئے وی پی این سروس فراہم کرسکیں گی۔ صارفین اب رجسٹریشن لائسنس یافتہ کمپنیوں سے براہ راست حاصل کرسکیں گے۔اعلامیے کے مطابق اقدام کا مقصد محفوظ اور قانونی وی پی این سروسز کی فراہمی کو منظم بنانا ہے۔ اقدام صارفین کی سہولت، ریگولیٹری بہتری اور سائبر سیکیورٹی کے فروغ کیلئے کیا گیا ۔