اسلام آباد (نیوزڈ یسک) نیشنل الیکٹرک پاور ریگولیٹری اتھارٹی (نیپرا) نے ملک بھر میں بجلی کی قیمت میں کمی کا نوٹیفکیشن جاری کر دیا۔تفصیلات کے مطابق، سینٹرل پاور پرچیزنگ ایجنسی (سی پی پی اے) نے نیپرا سے بجلی کی قیمت فی یونٹ 37 پیسے کم کرنے کی سفارش کی تھی۔
تاہم نیپرا نے جائزہ لینے کے بعد فی یونٹ 48 پیسے کمی کی منظوری دے دی۔نوٹیفکیشن کے مطابق، بجلی کی قیمت میں یہ کمی ستمبر کی فیول پرائس ایڈجسٹمنٹ کی مد میں کی گئی ہے اور اس کا فائدہ صارفین کو نومبر کے بلوں میں منتقل کیا جائے گا۔تاہم یہ ریلیف لائف لائن صارفین پر لاگو نہیں ہوگا۔نیپرا نے وضاحت کی کہ کراچی کے صارفین بھی اس فیصلے سے مستفید ہوں گے، جس سے مجموعی طور پر بجلی کے بلوں میں نمایاں کمی متوقع ہے۔
