اسلام آباد (نیوز ڈیسک)  ذرائع کے مطابق روسی تیل کمپنیوں پر امریکہ کی جانب سے عائد نئی پابندیوں کے بعد پاکستان میں پیٹرولیم مصنوعات ایک بار پھر مہنگی ہونے کی توقع ہے۔

ابتدائی اندازوں کے مطابق پیٹرول کی قیمت میں 1 روپے 48 پیسے اور مٹی کے تیل میں 2 روپے 34 پیسے فی لیٹر اضافہ متوقع ہے۔

اگر موجودہ عالمی رجحان برقرار رہا تو یکم نومبر سے پیٹرول 264 روپے 50 پیسے، ہائی اسپیڈ ڈیزل 276 روپے 80 پیسے، مٹی کا تیل 184 روپے 05 پیسے اور لائٹ ڈیزل 163 روپے 25 پیسے فی لیٹر تک پہنچنے کا امکان ہے۔

ذرائع کا کہنا ہے کہ حتمی فیصلہ 31 اکتوبر کی شام کیا جائے گا، جب حکومت 15 روزہ درآمدی لاگت، زرمبادلہ کے نرخ اور عالمی مارکیٹ میں خام تیل کی قیمتوں کے اتار چڑھاؤ کا جائزہ مکمل کرے گی۔

ماہرین کے مطابق عالمی منڈی میں تیل کی قیمتوں میں حالیہ تبدیلیاں اور روسی کمپنیوں پر امریکی پابندیاں پاکستان میں ایندھن کی قیمتوں پر براہِ راست اثر ڈال رہی ہیں۔