اسلام آباد (نیوز ڈیسک) پنجاب میں گندم اور آٹے کی قیمتوں میں نمایاں اضافہ کر دیا گیا ہے۔

روزنامہ ’’جنگ‘‘ کی رپورٹ کے مطابق گندم کی فی من قیمت 2200 روپے سے بڑھا کر 2800 روپے مقرر کر دی گئی ہے، جبکہ 20 کلو آٹے کے تھیلے کی قیمت میں بھی 100 روپے کا اضافہ کر دیا گیا ہے۔

ذرائع کے مطابق گندم اور آٹے کی بڑھتی ہوئی قیمتوں کے بعد نان بائیوں نے روٹی کے نرخ بڑھانے کا عندیہ دے دیا ہے۔ نان بائی ایسوسی ایشن کا کہنا ہے کہ گندم کے نرخ بڑھنے کے بعد روٹی کی قیمت میں اضافہ ناگزیر ہو چکا ہے۔

اطلاعات کے مطابق روٹی کی قیمت 14 روپے سے بڑھا کر 16 روپے کیے جانے کا امکان ہے۔