اسلام آباد (نیوز ڈیسک) نجی ٹی وی کی رپورٹ کے مطابق یکم جولائی 2025 یا اس کے بعد ریٹائر ہونے والے سرکاری ملازمین کے لیے خصوصی ریلیف کی منظوری دے دی گئی ہے۔ وزارت خزانہ کے اعلامیے میں کہا گیا ہے کہ تمام وفاقی پنشنرز کے لیے یکساں بنیاد پر پنشن میں اضافہ کیا جائے گا، اور 2011 سے 2024 کے دوران دیے گئے پانچ اضافی ایڈہاک ریلیف الاؤنس کو پنشن کا مستقل حصہ بنا دیا جائے گا۔دستاویز میں وضاحت کی گئی ہے کہ گراس پنشن میں سے کمیوٹ شدہ رقم منہا کرنے کے بعد یہ پانچ ایڈہاک ریلیف شامل کیے جائیں گے، جن کی مجموعی شرح 70 فیصد تک بنتی ہے۔

اس کے ساتھ ہی بیس لائن پنشن کو ہی نیٹ پنشن تصور کیا جائے گا، اور وفاقی سرکاری ملازمین کی خالص پنشن میں ان پانچ سابقہ اضافوں کو ضم کر دیا جائے گا۔اعداد و شمار کے مطابق 2011 میں 15 فیصد، 2015 میں 7.5 فیصد، 2022 میں 15 فیصد، 2023 میں 17.5 فیصد اور 2024 میں بھی 15 فیصد ایڈہاک ریلیف فراہم کیا گیا تھا۔