اسلام آباد (نیوز ڈیسک)تحریک انصاف کے رہنما زلفی بخاری نے ایک حالیہ انٹرویو میں دعویٰ کیا ہے کہ سابق ڈی جی آئی ایس آئی لیفٹیننٹ جنرل عاصم منیر نے اپنے عہدے سے ہٹائے جانے کے بعد بشریٰ بی بی سے ملاقات کی خواہش ظاہر کی تھی۔زلفی بخاری کی ایک ویڈیو سوشل میڈیا پر گردش کر رہی ہے، جس میں انہیں ایک صحافی کے سوال کا جواب دیتے ہوئے دیکھا جا سکتا ہے۔

صحافی نے سوال کیا کہ کیا یہ درست ہے کہ عاصم منیر نے برطرفی کے بعد تین شخصیات بیرسٹر شہزاد، بشریٰ بی بی اور خود زلفی بخاری سے رابطہ کیا تھا؟زلفی بخاری نے اس پر ردعمل دیتے ہوئے کہا، “میں دیگر افراد کے حوالے سے کچھ نہیں کہہ سکتا، وہ خود اس پر روشنی ڈال سکتے ہیں، لیکن جہاں تک میرا تعلق ہے، جنرل عاصم منیر نے اس وقت مجھ سے رابطہ کیا تھا۔ اس وقت ہمارے درمیان مختلف بین الاقوامی منصوبوں اور دیگر امور پر بات چیت جاری رہتی تھی۔”انہوں نے مزید کہا کہ عاصم منیر سمجھتے تھے کہ ان کی برطرفی ناانصافی پر مبنی تھی اور وہ چاہتے تھے کہ بشریٰ بی بی سے ملاقات کرکے اس فیصلے کو روکا جا سکے۔ زلفی بخاری کے مطابق، “انہوں نے مجھ سے کہا کہ بی بی سے ملاقات کروا دیں، لیکن بی بی نے ان سے بات کرنے سے انکار کر دیا۔”یہ انکشاف ایک ایسے وقت میں سامنے آیا ہے جب سیاسی حلقوں میں عسکری و سیاسی تعلقات کے حوالے سے بحث جاری ہے۔۔

“جب جنرل عاصم منیر کو عہدے سے ہٹایا گیا تو انھوں نے مجھ سے بھی سفارش کی کہ مجھے بشری بی بی سے ملوا دیں لیکن بی بی نے انکار کر دیا “ زلفی بخاری کا انکشاف pic.twitter.com/7flHOXVx2U

— Najam Ul Hassan Bajwa (@NajamBajwaa) August 3, 2025