کراچی (این این آئی)گوجرانوالہ کے رہائشی جوڑے کی کراچی سیلاشیں ملنے کے واقعے میں بڑی پیش رفت سامنے آئی ہے جب کہ مقتولہ ثنا کا بھائی وقاص ہی قتل میں ملوث نکلا ہے۔پولیس ذرائع نے کہا کہ وقاص کا رشتہ دار عاصم اور اس کا دوست عمران بھی واردات میں ملوث ہیں، زیر حراست وقاص نے اعتراف جرم کر لیا ہے۔پولیس ذرائع کے مطابق وقاص نے بیان دیا کہ عاصم اور عمران مقتولہ ثنا اور ساجد کے پیچھے کراچی گئے، عاصم کا پلان تھا کہ شوٹرز کے ذریعے قتل کروایا جائیگا،پولیس ذرائع نے کہا کہ 19 جولائی کو عاصم اور عمران لاہور سے کراچی گئے اور 25 کو واپس آئے، عاصم نے واپس آکر وقاص کو بتایا کہ ایک دو دن میں کام ہو جائیگا،پولیس ذرائع نے کہا کہ کراچی میں عاصم کا رابطہ احتشام سے بھی ہوا جو پہلے ہی ثنا اغوا کیس میں ملزم ہے، ملزم عاصم او عمران کی تلاش جاری ہے۔