لاہور(این این آئی)وزیراعلی پنجاب مریم نواز شریف نے عوام کو ریلیف فراہم کرنے کے لیے ایک اہم اقدام اٹھاتے ہوئے پیدائش و اموات کے اندراج اور سرٹیفکیٹ کے اجرا ء کی فیس 7سال تک مکمل طور پر معاف کردی ہے۔ایڈیشنل ڈپٹی کمشنر جنرل محمد سیف نے اعلان کیا کہ اس مدت کے دوران برتھ اور ڈیتھ سرٹیفکیٹ بالکل مفت فراہم کیے جائیں گے۔

رولز 2025ء کے تحت 7سال بعد پیدائش کے اندراج کی فیس 200روپے اور بیرون ملک مقیم پاکستانیوں کے لیے ایک ہزار روپے جبکہ اموات کے سرٹیفکیٹ کی فیس ایک ہزار روپے مقرر کی گئی ہے۔اس کے علاوہ سرٹیفکیٹ میں تبدیلی یا تصحیح کی فیس کو 2ہزار روپے سے کم کرکے 500روپے کردیا گیا ہے۔