لاہور( این این آئی)گاڑی کے چالان پر وزیر اعلی پنجاب کے بیٹے جنید صفدر کا ردعمل بھی سامنے آگیا ۔ 7 جولائی کو وزیراعلی پنجاب مریم نواز کے صاحبزادے جنید صفدر کی سکیورٹی پر مامور گاڑی کا کالے شیشے لگانے پر چالان کیا گیا جنید صفدر نے انسٹاگرام اکائونٹ پر اسٹوری شیئر کی اور قانون کے مطابق کارروائی کرنے پر پنجاب کی ٹریفک پولیس کو سراہا۔جنید صفدر نے کہا کہ پنجاب پولیس کے وہ تمام اہلکار جنہوں نے کل میری گاڑی روکی اور چالان کیا، مجھے ان کے پیشہ ورانہ رویے نے بہت متاثر کیا، اللہ آپ لوگوں کی آن ڈیوٹی اور آف ڈیوٹی حفاظت فرمائے ۔