لاہور(این این آئی)لاہور سے سکردو کی نجی ایئر کی پرواز سے پرندہ ٹکرا گیا۔پرندہ ٹکرانے کے بعد طیارے کو واپس لینڈ کرالیا گیا۔ اس حوالے سے نجی ایئر کے ترجمان نے بتایاکہ پرواز پی اے 481کو لاہور سے ٹیک آف کرتے ہوئے برڈ اسٹرائیک کا سامنا ہوا۔

ترجمان کے مطابق پرواز کو فوری طور پر لاہور واپس اتار لیا گیا اور 149مسافروں کو اف لوڈ کیاگیا۔ایئر لائن کے ترجمان نے کہا کہ لاہور سے سکردو کیلئے پرواز پی اے 481کو منسوخ کردیا گیا ۔ذرائع کے مطابق پرندہ ٹکرانے سے طیارے کے انجن نمبر 2کے دو بلیڈ متاثر ہوئے ہیں۔