راولپنڈی (این این آئی)راولپنڈی میں گزشتہ روز مضر صحت دودھ پینے سے 3 کم عمربہن بھائیوں کی ہلاکت کا مقدمہ بچوں کے والد نے اپنی بیوی کیخلاف درج کروا دیا ہے۔

بچوں کے والد نے اہلیہ کیخلاف درج مقدمے میں مؤقف اپنایا کہ ہم دونوں کا ایک روز قبل جھگڑا ہوا تھا، شبہ کے میری بیوی نے گھریلو ناچاقی کے باعث بچوں کو جان بوجھ کر مضر صحت دودھ پلایا جسے پینے سے وہ دم توڑ گئے۔پولیس کے مطابق بچوں کی والدہ مقامی ہسپتال میں زیر علاج اور پہلے سے حفاظتی تحویل میں ہے۔پولیس حکام کے مطابق بچوں کی لاشوں کاپوسٹ مارٹم کروا لیا گیا ہے جس کی رپورٹ کا انتظار ہے۔