اسلام آباد(نیوز ڈیسک)گوجرانوالہ میں ایک دل دہلا دینے والا واقعہ سامنے آیا ہے جہاں منشیات کے زیر اثر ایک باپ نے اپنی ہی بیٹیوں پر ڈنڈوں سے حملہ کر دیا، جس کے نتیجے میں ایک بچی جان کی بازی ہار گئی جبکہ دو دیگر زخمی ہو گئیں۔
پولیس کا کہنا ہے کہ ملزم اپنے کمرے میں آئس (منشیات) استعمال کر رہا تھا، اس دوران جب بچیاں اس کے پاس آئیں تو وہ طیش میں آگیا اور انہیں ڈنڈوں سے مارنے لگا۔ تشدد اتنا شدید تھا کہ سات سالہ بچی موقع پر ہی دم توڑ گئی، جبکہ اس کی دو بہنیں شدید زخمی ہو گئیں۔واقعے کے وقت متاثرہ بچیوں کی والدہ گھر پر موجود نہیں تھیں۔ پولیس نے کارروائی کرتے ہوئے ملزم کو گرفتار کر لیا ہے اور مزید تحقیقات جاری ہیں۔
