اسلام آبا د(این این آئی)جمعیت علمائے اسلام (ف)نے کہاہے کہ پارلیمنٹ کا 18 سال سے کم عمر شادی کو غیر قانونی قرار دینے کا بل غیر شرعی ہے۔اپنے بیان میں اسلم غوری نے کہاکہ اسلامی نظریاتی کونسل نے بھی اس قانون سازی کو مسترد کیا ہے۔

انہوں نے کہاکہ صدر نے خلاف شریعت بل کو منظور کرنے میں جلد بازی کا مظاہرہ کیا ہے،جلد بازی سے حکمرانوں کی نیتوں پر شکوک و شبہات کو تقویت ملے گی۔ اسلم غوری نے کہاکہ قانون قرآن و سنت سے متصادم ہے،آئین پاکستان قرآن و سنت کے متصادم قانون سازی کی اجازت نہیں دیتا۔ انہوںنے کہاکہ قانون کو ہر پلیٹ فارم پر چیلنج کریں گے۔