اوکاڑہ(این این آئی)اوکاڑہ میں 6مرلے وراثتی مکان کے جھگڑے پر دیورانی نے جیٹھانی کو پیٹرول چھڑک کر آگ لگا دی ۔پولیس ترجمان کے مطابق تھانہ شیرگڑھ کے نواح جیوے شاہ میں معراج بی بی اور عابدہ بی بی میں ایک 6 مرلے کے وراثتی مکان کا تنازعہ چل رہا تھا گزشتہ روز ان میں جھگڑا ہوگیا جس پر عابدہ بی بی نے مشتعل ہو کر معراج بی بی پر پیٹرول چھڑک کر آگ لگادی جس سے اس کا بازو اور گردن جھلس گئی جسے ہسپتال منتقل کردیا گیا.

ڈی پی او راشد ہدایت کے سخت نوٹس پر پولیس نے متاثرہ خاتون کی دیورانی عابدہ بی بی کو حراست میں لیلیا گیا ہے اور تفشیش شروع کردی ہے . دونوں خواتین میں دیورانی جیٹھانی کارشتہ بتایا گیا ہے پولیس زرائع کے مطابق متاثرہ خاتون کو طبی و قانونی امداد فراہم کی جا رہی یے عابدہ بی بی کو پولیس نے حراست میں لے کر شامل تفتیش کر لیا ہے میڈیکل رپورٹ آنے کے بعد اصل حقائق کا تعین ہوگا، واقعہ میں ملوث خاتون کو قانون کے مطابق سزا دلوائی جائے گی۔