اسلام آباد (نیوز ڈیسک) اولاد کے خواہشمند شوہر نے بیوی کودیسی دوا کھلا دی جس سے خاتون زندگی سے ہاتھ دھو بیٹھی۔
نجی ٹی وی جیونیوز نے پولیس کے حوالے سے بتایا کہ یہ واقعہ چک جھمرہ پولیس سٹیشن کی حدود میں پیش آیا جہاں نوشیر نامی شوہر اپنی بیوی ثنا نور کیلئے ایک نسخہ لے کر آیا۔پولیس نے بتایا کہ جوڑے کے ہاں اولاد نہیں تھی اور وہ اولاد کے خواہشمند تھے، شوہر نے اولاد کی خواہش کی خاطرایک حکیم سے علاج کروانے کا فیصلہ کیا اور ایک نسخہ لے کر آیا جسے اس نے اپنی بیوی کو کھلا دیا۔
دوا کھانے کے بعد خاتون کی طبیعت بگڑنا شروع ہوگئی اور اسے گردے میں شدید تکلیف کا سامنا کرنا پڑا جس پر اسے ہسپتال منتقل کیا گیا لیکن وہ دم توڑ گئی۔پولیس نے شوہر اور حکیم کے خلاف مقدمہ درج کر لیا۔