راولپنڈی(این این آئی)امریکی سفارت خانے کے وفدنے اڈیالہ جیل میں قیدی طاہرذاکرکی خیریت دریافت کی اور قانونی مدد سے متعلق بات چیت کی۔جیل ذرائع کے مطابق امریکی سفارت خانے کے وفد کی اڈیالہ جیل آمد،امریکی سفارت خانے کے وفد کو امریکی نژاد قیدی ظاہر ذاکر تک رسائی دی گئی ہے، جس کیلئے وفد اڈیالہ جیل پہنچا ہے۔
وفد میں امریکی سفارت خانے کے اہل کار مائیکل پیٹرک، خاتون اہل کار ماریہ اور سکیورٹی آفیشل مہوش شامل ہیں۔ ذرائع نے بتایاکہ ظاہر ذاکر سے ملاقات ڈپٹی سپرنٹنڈنٹ کے دفتر میں کرائی گئی۔امریکی نژاد قیدی ظاہر ذاکر سے ملاقات کا مقصد امریکی شہری کی خیریت دریافت کرنا اور قانونی مدد سے متعلق بات چیت تھا۔
