کینبرا(نیوز ڈیسک)سماجی ویب سائٹس استعمال کرنے کے دیوانے صرف انسان ہی نہیں بلکہ اب اس میدان میں ایک مرغی نے بھی اینٹری دے ڈالی ہے۔مغربی آسٹریلیا کے ساحلی علاقے پرتھ میں رہنے والی”Betty”نامیمرغی نے انوکھا کارنامہ سر انجام دیتے ہوئے چار حروف پرمشتمل لفظ کا ٹویٹرپیغام بھیج کر ٹویٹ کرنیوالی دنیا کی پہلی مرغی کا اعزاز حاصل کرلیا۔رپورٹ کے مطابق فوڈ چین کی مالک میما بیٹسٹا کا کہنا ہے کہ اس کا مقصد درحقیقت فوڈ چین کی سوشل میڈیا پر تشہیر کرنا تھا کیوں کہ سوشل میڈیا گاہکوں سے رابطے کا بہترین ذریعہ ہے۔ویڈیو میں مرغی کو باقاعدہ لفظ ٹائپ کرتے ہوئے دکھایا گیا ہے جسے دیکھ کر لوگ حیران تو رہ گئے لیکن ساتھ ہی مرغی کے دیکھ بھال سے متعلق اپنے تحفظات کا اظہار بھی کیا تاہم فوڈ چین کی مالک نے یقین دلایا ہے کہ اس مرغی کی بہترین دیکھ بھال کی جارہی ہے۔