راولپنڈی (این این آئی)بانی پی ٹی آئی کے کانوں کے طبی معائنے کے لیے پمز ہسپتال کے ڈاکٹروں کی 4 رکنی ٹیم اڈیالہ جیل پہنچی ۔جیل ذرائع کے مطابق ڈاکٹروں کی ٹیم میں ڈاکٹر الطاف حسن، ڈاکٹر عمر فاروق، ڈاکٹر علی عارف اور ڈاکٹر تاشفین امتیاز شامل ہیں۔

جیل ذرائع کے مطابق پمز اسپتال کے ڈاکٹرز نے بانء پی ٹی آئی کا طبی معائنہ کیا۔ذرائع کے مطابق ڈاکٹروں کی ٹیم نے تقریباً آدھا گھنٹہ بانی پی ٹی آئی کا طبی معائنہ کیا۔جیل ذرائع نے بتایا کہ ڈاکٹروں نے بانی پی ٹی آئی کو کچھ دوائیاں تجویز کی ہیں۔بانی پی ٹی آئی کو کانوں کی بیماری ٹنی ٹس کی شکایت ہے۔