اسلام آباد(این این آئی)تحریک انصاف دور کے وزیر دفاع پرویز خٹک کی (ن) لیگ کی وفاقی کابینہ میں شمولیت پر پارٹی کے کچھ رہنماؤں نے تحفظات کا اظہار کردیا۔نجی ٹی وی پروگرام میں گفتگوکرتے ہوئے اختیار ولی نے کہا کہ وفاقی کابینہ میں پرویز خٹک کی شمولیت پر ن لیگ کے کچھ رہنماؤں نے تحفظات ظاہر کیے ہیں۔

انہوں نے کہا کہ ہمارے لیڈر کو گالی دینے کی وجہ سے انہوں نے 15، 16سالوں سے پرویز خٹک سے بات تک نہیں کی۔ن لیگی رہنما نے کہا کہ یہ تاثر ابھر رہا ہے کہ مسلم لیگ ن میں رہتے ہوئے اگر کسی بندے کے پاس پنجاب کا ڈومیسائل نہ ہو تو وہ ہلکا رہ جاتا ہے۔