اسلام آباد (این این آئی) صدر آصف زرداری نے وفاقی کابینہ میں شامل ہونیوالے 13 وزرائ، 11 وزرائے مملکت سمیت 3 مشیروں سے حلف لے لیا ۔ جمعرات کو ایوان صدر میں حلف برداری تقریب کا انعقاد ہوا جس میں صدر مملکت آصف زرداری نے وفاقی کابینہ میں شامل ہونے والے نئے وزرا نے حلف لیا۔ تقریب میں وزیراعظم شہباز شریف و دیگر وفاقی وزرا ء نے شرکت کی۔

وفاقی کابینہ میں مزید 13وزراء اور 11وزرائے مملکت کی شمولیت ہوئی ہے جس کے بعد وفاقی کابینہ کی مجموعی تعداد 31ہوگئی ہے۔حلف اٹھانے والے وفاقی وزراء میں حنیف عباسی، ڈاکٹر طارق فضل چوہدری، معین وٹو، مصطفی کمال، سردار یوسف، علی پرویز، شزہ فاطمہ، جنید انور، خالد مگسی، پیر عمران شاہ، اورنگزیب کھچی، رانا مبشر، رضا حیات ہراج شامل ہیں جبکہ وزرائے مملکت میں بیرسٹر عقیل ملک، ملک رشید، ارمغان سبحانی، طلال چوہدری، کھیئل داس، رحمان کانجو، بلال کیانی، مختار بھرت، شذرہ منصب، انور چوہدری، وجیہہ قمر شامل ہیں۔اس کے علاوہ توقیر شاہ اور محمد علی سمیت وزیر اعظم کے 3مشیروں نے بھی عہدے کا حلف اٹھالیا۔