اسلام آباد(نیوز ڈیسک )امریکا میں بیگما ت کو کندھو ں پر اٹھا کر دوڑنے کی سولہویں سالانہ ریس کا انعقاد کیا گیا۔ امریکی ریاست Maine میں منعقد کیے گئے اس سالانہ ریس میں دنیا بھر سے سینکڑوں جو ڑ وں نے شرکت کی اور کسی لڑائی جھگڑے کے بغیر اپنی اہلیہ کو کندھوں پر اٹھانے کیلئے راضی ہو گئے۔ریس کی خاص بات یہ ہے کہ اس میں شامل شرکاءکو ناصرف اپنی بیگمات کو کندھوں پر ا±ٹھانا تھابلکہ گھاس پھوس سے بنی رکاوٹوں اور کیچڑ سے بھرے گڑھوں کو عبور کر کے مقررہ فاصلہ بھی تیز رفتار ی سے طے کرنا تھا۔مرد حضرات اور ان کی بیگمات کو اس نئے روپ اورایکشن میں دیکھنے اور ان کی حوصلہ افزائی کیلئے سیکڑوں مقامی افراد اور سیاح بھی وہاں مو جود تھے۔فاتح جوڑے کو دیگر تحائف کے ساتھ 750ڈالر کی نقدی رقم بھی دی گئی۔