اسلام آباد (این این آئی)ہائی کورٹ نے پی ٹی آئی وکیل سلمان اکرم راجا کو گرفتار نہ کرنے کا حکم دے دیا۔جمعہ کو چیف جسٹس اسلام آباد ہائی کورٹ عامرفاروق کے روبرو سلمان اکرم راجا کی درخواست پر سماعت ہوئی ۔وکیل نے موقف اپنایا کہ میرے موکل پر وفاق اور پنجاب میں معلوم نہیں کتنے مقدمات درج ہیں، لاہور میں پنجاب پولیس کی جانب سے گرفتار کرنے کی کوشش بھی کی گئی۔
وکیل کے مطابق کسی بھی نامعلوم مقدمے میں گرفتاری کا خدشہ ہے، عدالت سے استدعا ہے کہ مقدمات کی تفصیلات دینے اور گرفتاری سے روکنے کا حکم جاری کیا جائے۔بعد ازاں عدالت نے فریقین کو جواب کیلئے نوٹس جاری کرتے ہوئے وفاقی اور پنجاب پولیس سے مقدمات کی تفصیلات طلب کرلی اور سلمان اکرم راجا کی کسی نئے مقدمے میں گرفتاری سے روکتے ہوئے کیس کی سماعت آئندہ ہفتے تک کیلئے ملتوی کردی۔
