لودھراں (نیوزڈیسک)پاکستان پیپلز پارٹی کے مرکزی رہنما ءاکرم کانجونے تحریک انصاف میں شمولیت کا اعلان کر دیا۔بدھ کے روزاکرم کانجونے پاکستان تحریک انصاف کے سیکرٹری جنرل جہانگیرخان ترین سے ملاقات کی اورتحریک انصاف میں شمولیت کااعلان کردیا۔اس موقع میڈیاسے گفتگوکرتے ہوئے کہاکہ تحریک انصاف کے قافلے میں اضافہ ہوتا جا رہا ہے، جو ہماری سچائی کا ثبوت ہے، انہوں نے کہاکہ ن لیگ کے رکن قومی اسمبلی صدیق بلوچ کے سٹے آرڈر کو ختم کرایا جائے گا۔ رہنما جہانگیر ترین نے کہا ہے کہ این اے 122 میں ایاز صادق کو پوری حکومتی مشینری کی سپورٹ حاصل ہے ان کا کہنا تھا کہ ن لیگ ہمیشہ میچ فکس کر کے کھیلتی ہے ۔جہانگیر ترین کا کہنا تها کہ بلدیاتی الیکشن میں حکومت نے حلقہ بندیاں کر کے اپنی من مانیاں کی ہیں ،ن لیگ دھاندلی کے بغیر کوئی الیکشن نہیں جیت سکتی ،حکومتی عہدیداروں کو این اے 122 میں کمپین کی اجازت نہیں ہونی چاہئے.اس موقع پر اکرم کانجو نے کہا کہ ہم تین نسلوں سے پیپلزپارٹی میں تھے۔انہوں نے کہاکہ میں نے پیپلزپارٹی کونہیں چھوڑابلکہ نارواسلوک کرکے مجھ سے پیپلزپارٹی چھڑائی گئی ہے جس کی وجہ سے اب تحریک انصاف میں شامل ہواہوں ۔