اسلام آباد(این این آئی)حکومت پاکستان نے چین کی کیپٹل مارکیٹ میں پانڈا بانڈ جاری کرنے کا فیصلہ کرلیاہے۔ وزارت خزانہ کے ذرائع کے مطابق پانڈا بانڈ کا حجم 30کروڑ ڈالر تک ہونے کا امکان ہے۔ بانڈ ٹرانزیکشن کیلئے چین کی کریڈٹ ریٹنگ ایجنسی کی خدمات حاصل کی جائیں گی۔ذرائع نے بتایاکہ چین کی کریڈٹ ریٹنگ ایجنسیوں سے اظہار دلچسپی کی درخواستیں طلب کرلی گئی ہیں۔

متعلقہ ریٹنگ ایجنیسوں کو تکنیکی اور مالی تجاویز فراہم کرنے کی ہدایت کی گئی ہے۔ وزرات خزانہ کے ذرائع کے مطابق چین کی کریڈٹ ریٹنگ ایجنسیوں سے 29جولائی 2024تک دراخواستیں طلب کی گئی ہیں۔ بانڈ کیلیے پیپلز ریبلک آف چائنا کی قانونی فرم کی خدمات بھی لی جائیں گی۔ٹرانزیکشن کیلیے مقامی لیگل کونسل سے بھی 15 جولائی 2024 تک درخواتیں مانگ لی گئیں۔ذرائع نے بتایا کہ متعلقہ ریٹنگ اور لا فرمز کا انتخاب بولی کے عمل کے ذریعے کیا جائے گا۔