جنرل عاصم منیر نے عمران خان کی کرپشن کا پردہ فاش کیا، وزیراعظم شہباز شریف

اسلام آباد (این این آئی)وزیر اعظم محمد شہباز شریف نے کہا ہے کہ عمران نیازی کا آرمی چیف کے خلاف بیان ان کی بیمار اور جنونی ذہنیت کا عکاس ہے۔

ہفتہ کو اپنے ایک ٹوئٹ میں وزیر اعظم نے کہا کہ بطور ڈی جی آئی ایس آئی جنرل عاصم منیر نے نیازی کی کرپشن سینڈیکیٹ کا پردہ فاش کیا اور اسی وجہ سے وہ پہلے دن سے آرمی چیف کو بدنام کر رہے ہیں۔ انہوں نے کہا کہ عمران نیازی کے کہنے پر پی ٹی آئی کے غنڈوں کی جانب سے دہشتگردی کے المناک اورذلت آمیز واقعات ان کے ماسٹر مائنڈ ہونے کا اعتراف ہے۔ وزیر اعظم نے کہا کہ شہداء کی یادگاروں کی بے حرمتی اور قومی تنصیبات پر حملے سیاست میں ناقابل تصور پست قد ہونے کی نمائندگی کرتے ہیں۔وزیر اعظم محمد شہباز شریف نے کہا کہ قوم اپنی مسلح افواج کے ساتھ کھڑی ہے اور انہیں کمزور کرنے کی کسی بھی مذموم کوشش کو ناکام بنائے گی۔