اسلام آباد (مانیٹرنگ ڈیسک )چیئرمین پی ٹی آئی عمران خان اسلام آباد ہائی کورت سے روانہ ہو گئے ۔ نجی ٹی وی کے مطابق عمران خان طویل انتظار کے بعد ہائی کورٹ کے دوسرے گیٹ سے روانہ ہو گئے ہیں ۔

اس سے قبل عمران خان کا کہناہے کہ ضمانتیں ہو چکی ہیں لیکن مجھے جانے نہیں دیا جارہا ۔ نجی ٹی وی کے مطابق عمران خان نے کہا ہے کہ ان کی بدنیتی سامنے آگئی ہے مجھے ضمانتوں کے باوجود عدالت میں یرغمال بنایا ہوا ہے، عدالت میں تین گھنٹوں سے موجود ہوں لیکن نہیں جانے دیا جارہا ہے ۔ دوسری جانب پاکستان تحریک انصاف کے چیئرمین و سابق وزیراعطم عمران خان کی آرمی چیف جنرل عاصم منیر سے متعلق اہم گفتگو ۔ غیر ملکی میڈیا سے گفتگو کے دوران عمران خان نے کہا ہے کہ وعدہ ہے اقتدار میں آیا تو عاصم منیر کیساتھ اچھے تعلقات رکھوں گا ۔ ان کا کہنا تھا کہ لوگ میرے متعلق عاصم منیر تک غلط باتیں پہنچاتے ہیں ، میں نے کبھی عاصم منیر سے متعلق کبھی غلط بات نہیں سوچی اور یہ پیغام جنرل عاصم منیر کو بھی پہنچا چکا ہوں ۔