ممبئی(این این آئی) بالی وڈ اداکارہ عالیہ بھٹ نے انکشاف کیا ہے کہ ان کے شوہر رنبیر کپور کو ان کا غصے میں چیخنا چلانا اور شورشرابا کرنا پسند نہیں ہے۔بھارتی ویب سائٹ کو انٹرویو میں اداکارہ عالیہ بھٹ نے بتایا کہ رنبیرکپور بہت دھیمے اور ’ صوفیانہ ‘ مزاج کے مالک ہیں

جب کہ انہیں بہت جلد غصہ آجاتا ہے اور ان کی یہی عادت رنبیر کو پسند نہیں ہے۔ایک سوال کے کے جواب میں اداکارہ نے کہا کہ جب وہ کوئی کام نہیں کرپاتیں تو انہیں غصہ آجاتا ہے اور وہ بآواز بلند اس کا اظہار کردیتی ہیں، عالیہ کے بقول رنبیر کو ان کا غصے میں چیخنا چلانا اور شور شرابہ کرنا بالکل پسند نہیں ہے۔عالیہ بھٹ کا کہنا ہے کہ انہیں اپنے غصے کو قابو میں رکھنے کے لیے بہت جدوجہد کرنی پڑتی ہے کیونکہ ان کی یہ عادت ان کے شوہر کو پسند نہیں ہے،عالیہ بھٹ اور رنبیرکپور کی شادی گذشتہ برس 14 اپریل کو ہوئی تھی۔ ان کی چھ ماہ کی بیٹی بھی ہے۔