راولپنڈی (این این آئی)آسٹریلیا کیخلاف ٹیسٹ سیریز کے ہیرو محمد عباس (آج) راولپنڈی میں قائد اعظم ٹرافی سپر ایٹ مرحلے کا میچ کھیلیں گے۔قائد اعظم ٹرافی سپر ایٹ مرحلہ (آج)بدھ سے مختلف شہروں میں شروع ہو رہا ہے ،راولپنڈی کرکٹ اسٹیڈیم میں سوئی نادرن گیس اور واپڈا کی ٹیمیں آمنے سامنے ہوں گی۔آسٹریلیا کیخلاف ٹیسٹ سیریز کے ہیرو محمد عباس

سوئی نادرن گیس کی جانب سے ایکشن میں ہوں گے، اس طرح راولپنڈی کے شائقین اپنے ہیرو کو ایکشن میں دیکھ سکیں گے ۔محمد عباس ڈومیسٹک کرکٹ کا میچ کھیلنے کے بعد متحدہ عراب امارات روانہ ہو جائیں گے جہاں وہ نیوزی لینڈ کیخلاف ٹیسٹ سیریز میں حصہ لیں گے۔واضح رہے کہ پاکستان اور نیوزی لینڈ کے درمیان پہلا ٹیسٹ میچ 16 نومبرسے شروع ہوگا۔

موضوعات:محمدعباس