واشنگٹن (این این آئی)امریکا کی شہریت لینے کے امتحان کا طریقہ تبدیل کرنے کا منصوبہ بنا لیا گیا ہے۔امریکی میڈیا کے مطابق شہریت لینے کا ٹیسٹ اب ملٹی پل چوائس کی بنیاد پر ہوگا جس میں انگریزی سے متعلق قابلیت جانچنے کا طریقہ بھی تبدیل کیا جارہا ہے۔رپورٹ کے مطابق امریکا کی شہریت لینے کے خواہشمندوں

کو امتحان میں کامیابی کیلئے نیا مواد پڑھنا ہوگا۔اس شہریت ٹیسٹ میں امریکی تاریخ، حکومتی طریقہ کار سے متعلق امیدوار کی واقفیت جانی جاتی ہے، امیدوار کی انگریزی بولنے، پڑھنے اور لکھنے کی صلاحیت بھی اس ٹیسٹ کا حصہ ہوتی ہے۔نئے ٹیسٹ میں انگریزی پڑھنے اور لکھنے کا طریقہ تبدیل نہیں کیا جائیگا تاہم انگریزی بولنے کا طریقہ کار تبدیل کیا جارہا ہے۔اب تصاویر دکھا کر امیدوار سے انکے بارے میں باآواز بلند جواب مانگا جائے گا اور تصاویر سے متعلق انگریزی الفاظ، جملے اور تراکیب کی بنیاد پر امیدوار کو جانچا جائیگا۔رپورٹ کے مطابق ملٹی پل چوائس سوالات میں امیدوار کو چار میں سے ایک کا انتخاب کرنا ہوگا۔یہ امتحان ٹیبلیٹ پر دینا ہوگا جس میں امریکا سے متعلق معلومات پر مبنی سوالات میں 10 میں سے کم سے کم 6 پاس کرنا ہوں گے۔2019 میں ٹرمپ انتظامیہ نے 20 میں سے12سوالات پاس کرنا لازمی قرار دیے تھے، اس دور میں امریکی شہریت سیمتعلق امتحان انتہائی سخت قرار دیا گیا تھا۔امریکی میڈیا کے مطابق شہریت سے متعلق نیا طریقہ کار 2024 میں نافذ کیا جائے گا۔

موضوعات:امریکی شہریت